Drejtori ekzekutiv i KDI-së, Ismet Kryeziu, ka thënë se zgjedhjet politike nuk e normalizojnë situatën politike në vend.

Me anë të një postimi në Facebook, Kryeziu ka thënë se  është sfidë që zgjedhjet të sjellin zgjidhje, përcjell Arbresh.info

“Është e qartë se zgjedhjet mund të ndikojnë në situatën politike, por është sfidë të sigurohet që ato të sjellin zgjidhje të qëndrueshme politike e zhvillimore. Shpesh kemi pasur zgjedhje pa zgjidhje”, ka shruar ai.

Sipas Kryeziut, kriza politike në vend do të zgjatet, nëse zgjedhjet mbahen pa u zgjidhur çështja e pjesëmarrjes së serbëve në institucione dhe plani i zbatimit të asociacionit.

“Edhe sot, sidomos nëse mbahen në situatën aktuale kur serbët nuk marrin pjesë në institucione dhe plani i zbatimit të asosacionit nuk është përgjegjësi e marrë nga asnjë parti politike. Zgjedhjet e parakohshme pa i përmbyllur këto dy çështje politike do të ndihmojnë në zgjatjen e krizës politike dhe si rrjedhojë do të kemi të njëjtën situatë me Serbinë brenda, në diskursin politik për 3-4 vitet e ardhshme”, tha Kryeziu.

“Zgjedhjet e parakohshme janë një mundësi për rikonfigurim politik dhe zgjatje të status-quos për partitë, pa marrë përgjegjësi politike”, shtoi ai./Arbresh.info